Ädim 1. Lawnçeri tapmak we sazlamak

1. Oýnuň gurlan esasy papkasyna gir. Onuň içinden “SPT” atly papkany tap.
2. Bu papkanyň içinden “SPT.Launcher.exe” faýlyny tapyp, işe giriz.
3. Açylan lawnçerde “Sazlamalar” (Settings) bölümine gir we “Dörediji tertibini” (Developer mode) işjeňleşdir.
4. “URL” meýdançasyny tapyp, salgyny barlap gör. Ol ýerde şu aşakdaky salgy görkezilen bolmalydyr: https://192.168.16.22:6969
   
   • Eger salgy dogry bolsa: hiç zady üýtgetme we hasaba durmagyň baş sahypasyna gaýdyp bar.
     Eger salgy başgaça bolsa: ony poz, ýokarda görkezilen salgyny el bilen giriz we hasaba durmak sahypasyna dolan.

Ädim 2. Hasaba durmakda möhüm pursat

1. Hasaba durmak penjiresine geç.
2. ÜNS BER! “Ulanyjy ady” (Username) meýdançasyna geljekki nikneýmiňi däl-de, öz PAROLYŇY girizmeli. Nikneýmiň özüni bolsa soňrak, oýnuň içinde sazlap bileris.
3. Öz parolyňy “Ulanyjy ady” meýdançasyna girizeniňden soň, lawnçer şeýle profiliň tapylmandygy barada habar berer we täzesini döretmegi teklip eder.
4. Neşiriň görnüşini “Standard” edip saýla (beýleki görnüşler elýeterli bolmaz) we “Hasaba dur” (Registration) düwmesine bas. Eger hemme zat dogry ýerine ýetirilen bolsa, profiliň üstünlikli döredilendigi barada habar geler.

Ädim 3. Oýny başlatmak

1. “Oýnamak” (Play) düwmesine bas.
2. Oýun ýüklenenden soň, gahryman döretmek penjiresi açylar.
3. ESASY DUÝDURYŞ: “Nikneým” meýdançasynda ýazylan zady hökman poz we ony öz hakyky oýun adyňa üýtget. Awtomatiki ýagdaýda oýun ol ýere profiliňiň adyny (ýagny parolyňy) goýýar. Eger sen nikneýmiňi üýtgetmeseň, serwerdäki islendik oýunçy seniň adyňy okap, akkauntyňa girip biler!

Ädim 4. Final

Gahryman döredilenden soň sazlama tamamlanýar. Oýnuňyz gyzykly geçsin!